This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഓയ്‌, കെന്‍സാബുറോ (1935 - )
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്) (പുതിയ താള്‍: == ഓയ്‌, കെന്‍സാബുറോ (1935 - ) == == Oe, Kenzaburo == നോബൽ സമ്മാനാർഹനായ ജാപ്പനീസ്...) |
Mksol (സംവാദം | സംഭാവനകള്) (→Oe, Kenzaburo) |
||
| വരി 4: | വരി 4: | ||
== Oe, Kenzaburo == | == Oe, Kenzaburo == | ||
| - | + | [[ചിത്രം:Vol5p729_oe kenzaburo.jpg|thumb|]] | |
നോബൽ സമ്മാനാർഹനായ ജാപ്പനീസ് നോവലിസ്റ്റും ചെറുകഥാകൃത്തും ഉപന്യാസകാരനും. ജപ്പാനിലെ നാലുപ്രധാന ദ്വീപുകളിൽ ഏറ്റവും ചെറുതായ ഷികോകൂവിലെ എഹിമെ പ്രവിശ്യയിൽ സാമുറായ്‌ യോദ്ധാക്കളുടെ കുടുംബത്തിൽ 1935 ജനു. 31-ന്‌ ജനിച്ചു. 1941-ൽ ദേശീയ പ്രമറി വിദ്യാലയത്തിൽ ചേർന്നു. 1947-ൽ മിഡിൽ സ്‌കൂളിലും 1950-ൽ ഹൈസ്‌കൂളിലും പ്രവേശിച്ചു. 1954-ൽ ടോക്കിയോ സർവകലാശാലയിലെ ഫ്രഞ്ചുസാഹിത്യവകുപ്പിൽ ബിരുദപഠനം ആരംഭിച്ചു. ഫ്രഞ്ചുസാഹിത്യകാരനായ ഴാങ്‌പോള്‍ സാർത്രിന്റെ കൃതികള്‍ ഇദ്ദേഹത്തെ വളരെയേറെ സ്വാധീനിച്ചു. | നോബൽ സമ്മാനാർഹനായ ജാപ്പനീസ് നോവലിസ്റ്റും ചെറുകഥാകൃത്തും ഉപന്യാസകാരനും. ജപ്പാനിലെ നാലുപ്രധാന ദ്വീപുകളിൽ ഏറ്റവും ചെറുതായ ഷികോകൂവിലെ എഹിമെ പ്രവിശ്യയിൽ സാമുറായ്‌ യോദ്ധാക്കളുടെ കുടുംബത്തിൽ 1935 ജനു. 31-ന്‌ ജനിച്ചു. 1941-ൽ ദേശീയ പ്രമറി വിദ്യാലയത്തിൽ ചേർന്നു. 1947-ൽ മിഡിൽ സ്‌കൂളിലും 1950-ൽ ഹൈസ്‌കൂളിലും പ്രവേശിച്ചു. 1954-ൽ ടോക്കിയോ സർവകലാശാലയിലെ ഫ്രഞ്ചുസാഹിത്യവകുപ്പിൽ ബിരുദപഠനം ആരംഭിച്ചു. ഫ്രഞ്ചുസാഹിത്യകാരനായ ഴാങ്‌പോള്‍ സാർത്രിന്റെ കൃതികള്‍ ഇദ്ദേഹത്തെ വളരെയേറെ സ്വാധീനിച്ചു. | ||
10:08, 16 ജൂണ്‍ 2014-നു നിലവിലുണ്ടായിരുന്ന രൂപം
ഓയ്‌, കെന്‍സാബുറോ (1935 - )
Oe, Kenzaburo
നോബൽ സമ്മാനാർഹനായ ജാപ്പനീസ് നോവലിസ്റ്റും ചെറുകഥാകൃത്തും ഉപന്യാസകാരനും. ജപ്പാനിലെ നാലുപ്രധാന ദ്വീപുകളിൽ ഏറ്റവും ചെറുതായ ഷികോകൂവിലെ എഹിമെ പ്രവിശ്യയിൽ സാമുറായ്‌ യോദ്ധാക്കളുടെ കുടുംബത്തിൽ 1935 ജനു. 31-ന്‌ ജനിച്ചു. 1941-ൽ ദേശീയ പ്രമറി വിദ്യാലയത്തിൽ ചേർന്നു. 1947-ൽ മിഡിൽ സ്‌കൂളിലും 1950-ൽ ഹൈസ്‌കൂളിലും പ്രവേശിച്ചു. 1954-ൽ ടോക്കിയോ സർവകലാശാലയിലെ ഫ്രഞ്ചുസാഹിത്യവകുപ്പിൽ ബിരുദപഠനം ആരംഭിച്ചു. ഫ്രഞ്ചുസാഹിത്യകാരനായ ഴാങ്‌പോള്‍ സാർത്രിന്റെ കൃതികള്‍ ഇദ്ദേഹത്തെ വളരെയേറെ സ്വാധീനിച്ചു.
1957-ൽ ബുങ്കാകുകൈ (Bungakukai)എന്ന സാഹിത്യമാസികയിൽ ഷിഷാനോ ഒഗോരി എന്ന കൃതിയുടെ പ്രസിദ്ധീകരണത്തോടെ ഇദ്ദേഹം സാഹിത്യലോകത്തു പ്രവേശിച്ചു. തുടർന്ന്‌ നിരവധി ചെറുകഥകള്‍ പ്രസിദ്ധീകരിച്ചു. ചെറുകഥകളിൽ ഏറ്റവും പ്രശസ്‌തമായ ഷീകു 1958-ലെ അകുതാഗാവ സമ്മാനം കരസ്ഥമാക്കി.
1958-ൽ പ്രസിദ്ധീകരിച്ച മെമുഷിരി കൗചി ഇദ്ദേഹത്തിന്റെ ആദ്യത്തെ ദീർഘനോവലാണ്‌. ശ്രദ്ധേയനായ ഒരു നോവലിസ്റ്റെന്ന ഖ്യാതി ഈ നോവലിന്റെ പ്രസിദ്ധീകരണത്തോടെ ലഭിച്ചു. എന്നാൽ സാമൂഹിക രാഷ്‌ട്രീയസ്ഥിതിഗതികളെ നിശിതമായി വിമർശിച്ച ഇദ്ദേഹത്തിന്റെ നോവലുകള്‍ സമകാലീന സാഹിത്യകാരന്മാർ അംഗീകരിച്ചില്ല. 1959-ൽ പ്രസിദ്ധീകരിച്ച വരേര നോജിഡായ്‌ എന്ന കൃതി തീവ്രവിമർശനത്തിനു പാത്രമായി. അക്കാലത്തെ യുവജനങ്ങളുടെ പരിഷ്‌കൃത ജീവിതരീതിയെ പരിഹസിച്ച യോറു യോ യുറുയാക നി അയുമെ എന്ന കൃതിയെയും നിരൂപകർ വെറുതെ വിട്ടില്ല.
തുടർന്ന്‌ കെന്‍സാബുറോ ഇടതുപക്ഷ ചിന്താഗതിക്കാരായ യുവജനങ്ങളുടെ വക്താവായി. ഈ നിലയിൽ ചൈനയിൽ പര്യടനം നടത്തുന്നതിനുള്ള അവസരം ലഭിച്ചു. 1960-ൽ വിവാഹിതനായി. ആ വർഷംതന്നെ ചെറുകഥാസമാഹാരമായ കൊഡൊകു നാ സെയ്‌നെന്‍ നോ ക്യൂക-യും നോവലായ സെയ്‌നെന്‍ നോ ഒമെയ്‌-യും പ്രസിദ്ധീകരിച്ചു. ജപ്പാന്‍ സോഷ്യലിസ്റ്റു പാർട്ടി ചെയർമാനായ അസാനുമാ ഇനേജിറോ ഒരു യുവവലതുപക്ഷ പാർട്ടിക്കാരനാൽ വധിക്കപ്പെട്ട സംഭവത്തെ അധികരിച്ച്‌ ഇദ്ദേഹം "സെബുന്‌തീന്‍' (Seventeen), "സെയ്‌ജി ഷോനെന്‍ ഷിസു' എന്നീ ചെറുകഥകള്‍ രചിച്ചു. ഇതേത്തുടർന്ന്‌ വലതുപക്ഷ സംഘടനകള്‍ ഇദ്ദേഹത്തെ ദുർവൃത്തനെന്നു മുദ്രകുത്തി.
1962-ൽ പ്രസിദ്ധീകരിച്ച രണ്ട്‌ ഉപന്യാസ സമാഹാരങ്ങള്‍, ടോക്കിയോ ആഫ്രാ ഏഷ്യന്‍ റൈറ്റേഴ്‌സ്‌ കോണ്‍ഫ്രന്‍സിലെ പങ്കാളിത്തവും യൂറോപ്യന്‍ റഷ്യന്‍ പര്യടനങ്ങളും വിവരിക്കുന്നു. 1962-ൽ ഒകുരെതെ കിതാസെയ്‌നെന്‍ എന്ന നോവൽ പ്രസിദ്ധീകരിച്ചു. 1963-ൽ സാകെബിഗോ എന്ന നോവലും സെയ്‌തെകി നിന്‍ഗെന്‍ എന്ന ചെറുകഥാസമാഹാരവും പുറത്തിറങ്ങി. 1964-ൽ നിചിജോ സെയ്‌കാത്സുനോബോകെന്‍ എന്ന കൃതി പ്രസിദ്ധീകരിച്ചു. 1963-ൽ ജന്മനാ മസ്‌തിഷ്‌കവൈകല്യമുണ്ടായിരുന്ന ഒരു മകന്റെ ജനനവും യുദ്ധാനന്തരകെടുതികള്‍ അനുഭവിക്കുന്ന ഹിരോഷിമാ പ്രദേശം സന്ദർശിക്കലും കെന്‍സാബുറോയുടെ ഹൃദയത്തിൽ അഗാധമായ മുറിവുണ്ടാക്കി. 1964-ൽ പ്രസിദ്ധീകരിച്ച "സൊറാ നോ കൈബുത്സു അഗ്വി' എന്ന ചെറുകഥ ഈ സന്ദർഭത്തിൽ രചിച്ചതാണ്‌. ഇതേവർഷംതന്നെ പ്രസിദ്ധീകരിച്ച കോജിന്‍ തെകിനതൈകെന്‍ എന്ന നോവൽ ഷിന്‍ചോ സമ്മാനം നേടി. ഉപന്യാസ സമാഹാരമായ ഗെന്‍ഷുകു നാ ത്സുനാവാതാരി 1965-66 കാലഘട്ടത്തിൽ പ്രസിദ്ധീകരിച്ചു. 1967-ൽ പ്രസിദ്ധീകരിച്ച മാനെന്‍ ഗാന്നെന്‍ നോ ഫൂത്തോ ബോറു എന്ന നോവൽ വടക്കേഅമേരിക്കന്‍ പര്യടനങ്ങളെ ആധാരമാക്കി രചിച്ചതാണ്‌. ഈ കൃതി "താനിസാകി ജൂനിച്ചിറോ' സമ്മാനത്തിന്‌ അർഹനായി. കെന്‍സാ ബുറോയുടെ വകേറ നോ ക്യോകി ഓ ഇകിനോ ബിറു മിചി ഒ ഒഷിയേയോ, കൊവാരെമോണോ തെഷിതെ നോ നിന്‍ഗെന്‍ എന്നീ കൃതികള്‍ യഥാക്രമം 1969-ലും 70-ലും പ്രസിദ്ധീകരിക്കപ്പെട്ടു. 1973-ൽ ഇദ്ദേഹത്തിന്റെ കൊസുയി വാ വാഗ തമാഷി നി ഒയോബി എന്ന നോവൽ പുറത്തിറങ്ങി. പിഞ്ചി റാന്നാ ചോഷോ (1977), ഡോ ജിഡാ ഗെമു (1989), കമ്പനി കമരേരു (1985), ഓയിനരുഹിനി (1995), ഉരിഗാവോനൊ ഡോജി (2002), സുയിഷി (2009) എന്നിവയാണ്‌ ശ്രദ്ധേയമായ മറ്റു കൃതികള്‍. 1994-ലെ സാഹിത്യത്തിനുള്ള നോബൽ സമ്മാനത്തിന്‌ കെന്‍സാബുറോ അർഹനായി.
