This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എയർട്ടെൽ
സര്‍വ്വവിജ്ഞാനകോശം സംരംഭത്തില്‍ നിന്ന്
എയര്‍ട്ടെല്‍
Airtel
ടെലികോംരംഗത്തെ ഒരു പ്രമുഖ കമ്പനി. സ്വകാര്യ മേഖലയിൽ വാർത്താവിനിമയ സേവനം നൽകുന്ന (telecom service provider)ഇന്ത്യയിലെ ഏറ്റവും വലുതും ആദ്യത്തേതുമായ "ഭാരതി എയർട്ടെൽ ലിമിറ്റഡ്‌'-ൽ നിന്നുമാണ്‌ "എയർട്ടെൽ' എത്തുന്നത്‌. ഇന്ത്യയിലെ 23 ടെലികോംസർക്കിളുകളിലും കാലുറപ്പിച്ചിട്ടുള്ള "സർവീസ്‌ പ്രാവൈഡറാണ്‌' ഭാരതി എയർട്ടെൽ ലിമിറ്റഡ്‌. ഈ കമ്പനിയുടെ വ്യാപാര ശൃംഖല പ്രത്യേകമായ മൂന്ന്‌ ഘടകങ്ങളായി തിരിച്ചിരിക്കുന്നു. ഇവ (1) മൊബൈൽ സർവീസസ്‌ (2) എയർട്ടെൽ ടെലിമിഡിയ സർവീസസ്‌ (3) എന്റർപ്രസസ്‌ സർവീസസ്‌ എന്നിവയാണ്‌.
ഇതിൽ ജി.എസ്‌.എം. സാങ്കേതികവിദ്യ ഉപയോഗപ്പെടുത്തിയുള്ള മൊബൈൽ സർവീസും, സ്ഥിരീകൃതമായ(fixed)കമ്പിയില്ലാ സർവീസും (wirless service)ഉള്‍പ്പെടുന്നു. എയർട്ടെൽടെലിമിഡിയ സർവീസിന്റെ വ്യാപാരശൃംഖല ഇന്ത്യയിലെ 95 നഗരങ്ങളിൽ ടെലിഫോണ്‍ സർവീസും ഇന്റെർനെറ്റ്‌ സൗകര്യങ്ങൊരുക്കി "ബ്രാഡ്‌ബാന്റ്‌' (Broad band)സേവനവും നൽകിവരുന്നു. അടുത്തകാലത്തായി എയർട്ടെൽ ഡിജിറ്റൽ ടി.വി. സർവീസും ആരംഭിച്ചിരിക്കുന്നു. വിശ്വസ്‌തമായ നെറ്റ്‌വർക്ക്‌ കണക്‌റ്റിവിറ്റിക്കുവേണ്ടി ഉപഗ്രഹങ്ങളുടെ സേവനവും എയർട്ടെൽ ലഭ്യമാക്കിയിരിക്കുന്നു.
(എം.ആർ.കെ. മോഹന്‍)
