This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഗഡാര
സര്‍വ്വവിജ്ഞാനകോശം സംരംഭത്തില്‍ നിന്ന്
ഗഡാര
പലസ്തീനിലെ പുരാതന നഗരം. ഗെരസേന്യദേശം എന്നും പേരുണ്ട്. ഗലീലി കടലിനു തെക്ക്കിഴക്ക് ജോര്‍ദാനില്‍ സ്ഥിതിചെയ്യുന്നു. ഇവിടെ പ്രസിദ്ധികേട്ട ഉഷ്ണജല ഉറവകള്‍ ഉണ്ടായിരുന്നു. ഇവിടെവച്ച് യേശു ഭൂതബാധിതരെ സുഖപ്പെടുത്തിയെന്ന് ബൈബിളില്‍ (ലൂക്കൊ. 8:26; മാര്‍ക്കൊ 5:1; മത്താ.8:28) പറയുന്നു. പുരാതന ഗ്രീസിലെ ഡെക്കാപെലിസില്‍ അംഗമായിരുന്നു ഈ നഗരം. പല കാലഘട്ടങ്ങളിലായി സെലൂസിഡ് അന്ത്യോക്കസ് (ബി.സി. 218), അലക്സാണ്ടര്‍ ജെന്യൂസ് (ബി.സി. 100) എന്നീ രാജാക്കന്മാരുടെ അധീനതയിലായിരുന്നു ഗഡാര. പോംബി എന്ന റോമന്‍ ജനറല്‍ വീണ്ടെടുത്ത ഈ പട്ടണം അഗസ്റ്റസ് ചക്രവര്‍ത്തി ഹെറോദ് രാജാവിനു നല്കി (ബി.സി. 30). പുരാവസ്തു പ്രാധാന്യമുള്ള മൂന്ന് തിയെറ്ററുകള്‍, ഒരു ദേവാലയം, ഒരു ബസിലിക്ക, ഒരേ അകലത്തില്‍ തീര്‍ത്ത സ്തംഭങ്ങളോടുകൂടിയ തെരുവ് മുതലായവ പഴയ നഗരത്തിന്റെ അവശിഷ്ടങ്ങളായി ഇന്നും നിലനില്ക്കുന്നു. മുസ്ലിം ആക്രമണത്തെത്തുടര്‍ന്നാണ് ഈ പട്ടണം നശിച്ചു തുടങ്ങിയത്. ബൈബിള്‍ പുതിയ നിയമത്തില്‍ ഗഡാനരയെക്കുറിച്ച് പരാമര്‍ശമുണ്ട്. 'ഉമ് ക്യസ്' എന്ന പേരില്‍ ഇന്ന് ഈ നഗരം അറിയപ്പെടുന്നു.
