This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കുട്ടിയമ്മു, ടി.പി. (1911 - 87)
സര്‍വ്വവിജ്ഞാനകോശം സംരംഭത്തില്‍ നിന്ന്
കുട്ടിയമ്മു, ടി.പി. (1911 - 87)
കേരളീയനായ ഒരു സിവില്‍ എന്‍ജിനീയറിങ്‌ വിദഗ്‌ധന്‍.1956-ല്‍ കേരള സംസ്ഥാന പൊതുമരാമത്തുവകുപ്പിന്റെ ചീഫ്‌ എന്‍ജിനീയറായി നിയമിതനായ കുട്ടിയമ്മു 11 വര്‍ഷക്കാലം പ്രസ്‌തുത പദവിയില്‍ തുടര്‍ന്നു. ഇദ്ദേഹത്തിന്റെ പ്രത്യേക വൈദഗ്‌ധ്യം പ്രകടമാക്കിയിട്ടുള്ളത്‌ ജലസേചന എന്‍ജിനീയറിങ്‌ രംഗത്താണ്‌, ഗോദാവരി, കൃഷ്‌ണ, കാവേരി, പെരിയാര്‍, ഭാരതപ്പുഴ തുടങ്ങിയ മിക്കവാറും എല്ലാ ദക്ഷിണേന്ത്യന്‍ നദീതട പദ്ധതികളുടെയും പ്രവര്‍ത്തനത്തില്‍ ഇദ്ദേഹം നിര്‍ണായകമായ പങ്കുവഹിച്ചിട്ടുണ്ട്‌.
കേരള സംസ്ഥാന പൊതുമരാമത്തുവകുപ്പിന്റെ ജലസേചനവിഭാഗം ആരംഭിച്ചത്‌ കുട്ടിയമ്മു ആയിരുന്നു. പീച്ചിയിലെ എന്‍ജിനീയറിങ്‌ റിസര്‍ച്ച്‌ ഇന്‍സ്റ്റിറ്റ്യൂട്ട്‌ സ്ഥാപിക്കുന്നതില്‍ ഇദ്ദേഹം പ്രധാനപങ്കുവഹിച്ചു. കേരളത്തിന്റെ ജലസമ്പത്ത്‌ ദീര്‍ഘകാലാടിസ്ഥാനത്തില്‍ ഫലപ്രദമായി ഉപയോഗപ്പെടുത്തേണ്ടതെങ്ങനെയെന്നതിന്റെ രൂപരേഖ ഉള്‍ക്കൊള്ളുന്ന ഒരു മാസ്റ്റര്‍പ്ലാന്‍ തയ്യാറാക്കി.
ഉള്‍നാടന്‍ ജലഗതാഗത വികസനത്തെക്കുറിച്ച്‌ അന്വേഷിച്ചു റിപ്പോര്‍ട്ട്‌ സമര്‍പ്പിക്കാന്‍ ഇന്ത്യാഗവണ്‍മെന്റ്‌ നിയോഗിച്ച ഭഗവതിക്കമ്മിറ്റിയില്‍ ഇദ്ദേഹം ഒരു വിദഗ്‌ധാംഗം ആയിരുന്നു. സര്‍വീസില്‍ നിന്നു വിരമിച്ചശേഷം ഇദ്ദേഹം കേരള സംസ്ഥാന പ്ലാനിങ്‌ ബോര്‍ഡ്‌ അംഗമായും പ്രവര്‍ത്തിച്ചു.
