This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കെരൂര്‍ വാസുദേവാചാര്യ (1866 - 1921)
സര്‍വ്വവിജ്ഞാനകോശം സംരംഭത്തില്‍ നിന്ന്
കെരൂര്‍ വാസുദേവാചാര്യ (1866 - 1921)
കന്നഡ സാഹിത്യകാരന്‍. ബിജപ്പൂര്‍ ജില്ലയിലെ ബാഗല്‍ കോട്രേയില്‍ താമസിച്ചിരുന്നു. 1884-ല്‍ മെട്രിക്കുലേഷന്‍ പാസായി. 1888-ല്‍ എച്ച്.പി. (നിയമ പരീക്ഷ) പാസായി വക്കീലായി പ്രാക്ടീസ് തുടങ്ങി. വലിയ പണ്ഡിതനും കലാകാരനും പ്രതിഭാസമ്പന്നനായ സാഹിത്യകാരനും ആയിരുന്ന ഇദ്ദേഹത്തെ ജനങ്ങള്‍ 'കന്നഡത്തിലെ സര്‍വാള്‍ട്ടര്‍ സ്കോട്ട്' എന്നു വിളിച്ചുവരുന്നു. കന്നഡത്തിലെ നോവല്‍ സാഹിത്യത്തിനു ഇദ്ദേഹം നല്കിയിട്ടുള്ള സംഭാവന മഹത്തരമത്രേ.
ഇന്ദിര, തൊളെദമുത്തു (പരിശുദ്ധമുത്തു), നീളഗതേഗളു (നീണ്ടകഥകള്‍), പ്രേമവിജയ, ബെളഗിദ ദീപഗളു (പ്രകാശിപ്പിച്ച വിളക്കുകള്‍), ഭ്രാതൃഘാതകനാദ ഔരംഗജേബ്, യദുമഹാരാജ, വാല്മീകിവിജയ എന്നിവയാണ് ഇദ്ദേഹത്തിന്റെ പ്രധാനപ്പെട്ട നോവലുകള്‍. ഇതിനും പുറമേ നളദമയന്തി, പതിവശീകരണ, സൂരതനഗരദ ശ്രേഷ്ഠി (സൂരത് നഗരത്തിലെ കച്ചവടക്കാരന്‍) എന്നീ നാടകങ്ങളും ഇദ്ദേഹത്തിന്റെ കൃതികളാണ്. പതിവശീകരണ, സൂരതനഗരദ ശ്രേഷ്ഠി എന്നിവ ഗോള്‍ഡ് സ്മിത്തിന്റെയും ഷെയ്ക്സ്പിയറുടെയും കൃതികളെ ആധാരമാക്കിയുള്ള കൃതികളാണ്.
