This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ചാവേര്‍പ്പാട്ട്
സര്‍വ്വവിജ്ഞാനകോശം സംരംഭത്തില്‍ നിന്ന്
ചാവേര്‍പ്പാട്ട്
മാമാങ്കത്തില്‍ വീരചരമം പ്രാപിച്ച ചാവേര്‍പ്പോരാളികളെക്കുറിച്ചുള്ള കഥാഗാനം. പ്രാചീനകേരളത്തില്‍ ചാവേര്‍പ്പട എന്ന സവിശേഷമായ ഒരു സൈന്യവിഭാഗം ഉണ്ടായിരുന്നു. മാമാങ്കത്തിലെ ചാവേര്‍പ്പട ഇതിനുദാഹരണമാണ്. നാടുവാഴിക്കുവേണ്ടി ആത്മാര്‍പ്പണം ചെയ്യാന്‍ തയ്യാറായവരുടെ സൈന്യമായിരുന്നു ഇത്. ശത്രുവിനെ കൊല്ലാനായില്ലെങ്കിലും ജീവന്‍ ബലികൊടുക്കാന്‍ ഒരുങ്ങിയിറങ്ങിയ ആ സൈന്യത്തിലെ നിരവധി വീരന്മാരെക്കുറിച്ച് നാടോടിപ്പാട്ടുകള്‍ ഉണ്ടായിട്ടുണ്ട്. കണ്ടര്‍മേനോന്‍പാട്ട്, രാമയ്യപ്പണിക്കര്‍പാട്ട് എന്നിവ പ്രസിദ്ധമായ ചാവേറ്റുപാട്ടുകളാണ്. ചരിത്രപരമായ വീരകഥാഗാനങ്ങള്‍ എന്ന വിഭാഗത്തില്‍ ഉള്‍പ്പെടുന്നു ഇവ.
