This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഥനാര്‍ഡ്, ലൂയി ഴാക് (1777 - 1857)
സര്‍വ്വവിജ്ഞാനകോശം സംരംഭത്തില്‍ നിന്ന്
ഥനാര്‍ഡ്, ലൂയി ഴാക് (1777 - 1857)
Thenard,Louis Jacques
ഫ്രഞ്ച് രസതന്ത്രജ്ഞന്‍. ഹൈഡ്രജന്‍ പെറോക്സൈഡിന്റെ കണ്ടുപിടിത്തമാണ് ഥനാര്‍ഡിന്റെ ഏറ്റവും മികച്ച സംഭാവന. ഫ്രാന്‍സിലെ ലൂപ്ടയറില്‍ 1777 മേയ് 4-ന് ജനിച്ചു.
ഥനാര്‍ഡിന്റെ പ്രധാനപ്പെട്ട പല നേട്ടങ്ങളും ജെ.എന്‍. ഗേ ലുസാക്ക് എന്ന പ്രസിദ്ധ ശാസ്ത്രജ്ഞനുമായി ചേര്‍ന്നു നടത്തിയ ഗവേഷണങ്ങളുടെ ഫലമായിരുന്നു. പൊട്ടാസിയം ഉപയോഗിച്ച് ബോറിക് അമ്ലം നിരോക്സീകരിക്കുകവഴി ബോറോണ്‍ കണ്ടുപിടിച്ചത് ഇവര്‍ ഇരുവരും ചേര്‍ന്നാണ് (1808). 1811-ല്‍ കാര്‍ബണിക സംയുക്തങ്ങള്‍ക്ക് പൊതുവായ ഒരു വിശ്ലേഷണ പ്രക്രിയ-പൊട്ടാസിയം ക്ലോറേറ്റ് ഉപയോഗിച്ചുള്ള ഓക്സീകരണം-വികസിപ്പിച്ചെടുത്തതും ഇവരാണ്.
ഥനാര്‍ഡ് 1818-ല്‍ ഹൈഡ്രജന്‍ പെറോക്സൈഡ് കണ്ടുപിടിച്ചു. 'ഥനാര്‍ഡ് ബ്ളു' എന്ന ഒരു ചായവസ്തുവിന്റെ സംശ്ലേഷണമാണ് ഥനാര്‍ഡിന്റെ മറ്റൊരു പ്രധാന സംഭാവന. കോബാള്‍ട്ടിന്റെയും അലൂമിനിയത്തിന്റെയും സംയുക്തങ്ങള്‍ അടങ്ങുന്ന ഒരു മിശ്രിതം ചൂടാക്കിയാണ് നീലനിറത്തിലുള്ള ഈ ചായവസ്തു ഥനാര്‍ഡ് സംശ്ലേഷണം ചെയ്തത്.
വിദ്യാഭ്യാസ ഭരണതന്ത്രജ്ഞന്‍ എന്ന നിലയ്ക്കും നിപുണനായിരുന്ന ഥനാര്‍ഡ് 1845-ല്‍ യൂണിവേഴ്സിറ്റി ഒഫ് ഫ്രാന്‍സിന്റെ ചാന്‍സലര്‍ ആയി. ട്രീറ്റിസ് ഓണ്‍ കെമിസ്ട്രി (Traite de chemie) എന്ന രസതന്ത്ര പഠനഗ്രന്ഥം ഇദ്ദേഹം രചിച്ചിട്ടുണ്ട്. 1857 ജൂണ്‍ 21-ന് പാരിസില്‍ മരണമടഞ്ഞു.
